hans

der hans des woar a brutaler. der hod sei eigane frau gschlogn. hod se obegrennt Ć¼ba de stiagn a. de hod si moi den oarm brochn. hod as Ć¼ba de kƶllastiagn obegrennt. und don hod er hoid den dokta oagruafn den engl. den hobn mia ghobt ois hausoarzt und won ma vom Hans irgendwos oangfongan hobn don woar er nimma trawig don is los gongan. er hod jo sochan. wie de vom Hans Frau gstorbn is hod er recht lamentiert hob i eam a fotzn eineghaut hod er gsogt wei ears gwusst hod wie er sie behondlt hod. und don hod er amoi. hod sƶba ka telefon ghobt und darnoch is ear zum nochboarn gongan. eam gehts so schlecht sofort muass der dokta kemman. ned. und des woar im frĆ¼hjoar a sauweda hods ghobt und wia da engl aussafoart zum hans wer begegnet eam. der hans mit de gummistĆ¼fn. na der woar oarg. ganz oarg. bestƶhd den dokta er muass sofort kuman. war er noch goispoch gongan mit de gummistĆ¼fln. ned. bei dem gresstn sauwetta. Ć¼ba den alloa konnst a buach schreibn. der hod jo doch und er woar jo donn scho ziemlich verwirrt. do hobns de loacka do voarm haus. wast eh. homs so a loacka ghobt do hoad er di gonzn hundata einegschmissn des gƶd hod er einegschmissn und don is er nu noche und hods wieda gfongt. hochmusikalisch woar er. kapƶmasta von da eisnbohnamusik. sei muata hod zerst imma obegehn miassn. wie er don aloa gwesn is sogd schwiegamuata na sie geht wieda zum hans. ned. und wias don di letzte zeit nimma so guat gwesn is auf di fiass. i fiar di eh oawe. ned. und olle wochn is sie don oawegfoarn zum hans noch fornwoid. i fiar di eh oawe. na i geh eh. bis i amoi gsogt hob des geht jetzt ned wei des is afoch zweit. noa fiarst mi hoid oawe. don hob i sie oba nur bis zua strossn wo ma vom weg aussefoart. durt is ausgstiegn. na zuwefoarn brauchst ned. hob ni mitfoarn dearfn. zuwefoarn derfst ned. don is zuwe gongan. des is oba a stĆ¼ck oawe. und oamoi hods gsogt zu mia. du da hans mecht di segn. woanst mi oawefiarst du soist a mitgehn. i hob ka so guats vahƶitnis zu meina schwiegamuata ghobt obwoi is eh pflegt hob und ois. und don samma oawe und i bin einegongan und da hans sogt zu mia. goi du host jo so a brave schwiegamuata. zu mia. sog i jo du kennst as eh. des vagiss i ned. da hans. den gonzn mogn aussegnuman und do hobn die Ƥrzte gsogt no jo a hoibs joar gebns eam nu. und do hod er glaub i nu zehn joar glebt. des hod eh dei schwiegamuata ƶftas gsogt. hods earm an schnops mitgnumman. zwa flascherl schnops. hod er gsogt des muass eingnumman werdn. mit ochzg joar ummanond. weils gsogt hobn der kon ned long lebn. a hoffnungslosa foi hod kan mogn. oba der hod an eisern wĆ¼ln ghobt. des wos er tuat des ziagt er a durch.

Author: freakingcat
You can contact me under freakingcat@gmail.com

Leave a Reply

This site uses Akismet to reduce spam. Learn how your comment data is processed.